Kamboca ABŞ prezidenti Donald Trampın Nobel Sülh Mükafatına namizədliyini rəsmən irəli sürüb.

Xalqcebhesi.az xəbər verir ki, baş nazir Hun Manetin Nobel Komitəsinə göndərdiyi məktubun mətnini Kamboca Mətbuat Agentliyi dərc edib.

Məktubda Kambocanın Baş naziri Trampın bütün dünyada sülhün möhkəmlənməsinə verdiyi tarixi töhfəni qeyd edib. Baş nazir xüsusilə Kamboca və Tailand sərhədində sülhün və sabitliyin bərpasında Amerika liderinin həlledici rolunu qeyd edib.

Manetin sözlərinə görə, Trampın vaxtında müdaxiləsi “potensial dağıdıcı münaqişənin qarşısını alıb” və bir çox insanın həyatını xilas edib.

Məryəm Quliyeva