Çində iki gündür davam edən leysan yağışları daşqın və torpaq sürüşməsi ilə nəticələnib, 10 nəfər ölüb, 33 nəfər itkin düşüb.

Xalqcebhesi.az xəbər verir ki, “Sinxua” agentliyinin məlumatına görə, ölkənin şimal-qərbindəki Qansu əyalətində iki gün davam edən güclü yağışlar daşqınlara və torpaq sürüşmələrinə səbəb olub.
Təbii fəlakətlər nəticəsində 10 nəfər ölüb, 33 nəfərdən isə xəbər yoxdur.
Çin prezidenti Xi Jinping bölgədə tammiqyaslı xilasetmə və daşqınların qarşısının alınmasına göstəriş verib.
Bundan başqa, güclü yağışlar bəzi ərazilərdə elektrik və telekommunikasiya xidmətlərini sıradan çıxarıb.

Məryəm Quliyeva