Türkiyə Prezidenti Rəcəb Tayyib Ərdoğan, NATO-nun Baş Katibi Marko Rutte ilə telefon vasitəsilə Ukrayna münaqişəsinin həlli məsələsini müzakirə edib və Rusiya ilə Ukrayna arasında İstanbulda birbaşa danışıqlarda əldə olunan irəliləyişi vurğulayıb.

Xalqcebhesi.az xəbər verir ki, bu barədə Türkiyə liderinin administrasiyası məlumat yayıb.

"Prezident Ərdoğan, İstanbulda, Ukrayna və Rusiya arasında daimi atəşkəsin əldə edilməsi məqsədilə başlanan danışıqlarda irəliləyişin əldə edildiyini qeyd edib. O, bu prosesin humanitar sahədə müsbət dəyişikliklərə gətirib çıxara biləcəyini ifadə edib", - açıqlamada bildirilir.

Açıqlamada həmçinin qeyd olunur ki, NATO-nun Baş Katibi Ukraynadakı vəziyyəti "Alaskadakı sammit öncəsi" qiymətləndirib.

Türkiyə lideri isə bu kontekstdə ölkəsinin qarşıdan gələn danışıqların gedişatını diqqətlə izləyəcəyini bildirib.

Məryəm Quliyeva