Terror təşkilatı YPG/SDG-nin Suriyanın Hələb əyalətində ordu mövqelərinə və mülki şəxslərin yaşadığı ərazilərə hücumlar həyata keçirdiyi bildirilib.

Xalqcebhesi.az xəbər verir ki, Suriyanın dövlət televiziya kanalı Əl-İxbariyyəyə danışan hərbi mənbə terror təşkilatının Hələbin şərqindəki Hamima kəndi yaxınlığında ordu mövqelərini və mülki evləri dronlar və ağır pulemyotlarla hədəf aldığını bildirib və hücumda itkilərin olub-olmadığının hələlik məlum olmadığını əlavə edib.

Məlumata görə, Suriya ordusu təşkilatın hücumlarına cavab olaraq Deyr Hafir ətrafındakı YPG/SDG mövqelərini artilleriya atəşi ilə hədəfə alıb.
Əl-İxbariyyə kanalı dünən Deyr Hafir şəhərini motosikleti ilə tərk etməyə çalışan bir mülki şəxsin ərazidə yerləşən terror təşkilatına məxsus snayper tərəfindən vurulduğunu qeyd edərək, təşkilatın "sahədə qətllərini fasiləsiz davam etdirdiyini" vurğulayıb.

Məryəm Quliyeva