“ABŞ-ın verdiyi silah və hərbi dəstək olmasa, Ukrayna müharibəni bu qədər uzun müddət davam etdirə bilməzdi”.

Bunu, politoloq Vaqif Hüseyn, xalqcəbəsi.az-a müsahibəsində deyib.

Onun sözlərinə görə, Ukrayna əsasən ABŞ silahları ilə vuruşur və son vaxtlar Putinlə aparılan danışıqların uğursuzluğu fonunda ABŞ Ukraynaya daha aktiv dəstək verir.

Politoloq qeyd edib ki, xüsusilə Rusiya tərəfindən 2-ci nəsil raketlərlə Amerikanın Patriot raket müdafiə sisteminin aşılması və daha dəqiq zərbələr vurulması xəbərləri ABŞ administrasiyasını narahat edir. Hüseyn vurğulayıb ki, müharibə bitmədiyi müddətcə və Rusiya danışıqlara başlamaq niyyətini ortaya qoymadığı müddətcə ABŞ-ın dəstəyi davam edəcək. O əlavə edib ki, bu dəstək Ukraynanın müqavimətini qorumasına və uzunmüddətli strateji üstünlük qazanmasına imkan verir.

Günel Elxan