Moldova hökuməti fasiləsiz fəaliyyətini təmin etmək üçün sanksiya tətbiq edilmiş "Lukoil"dən Kişinyov hava limanındakı yanacaq anbarlarını alacaq.

Xalqcebhesi.az xəbər verir ki, energetika naziri Dorin Jungietu bu barədə Facebook-da məlumat yayıb.

"Hökumət İnvestisiya Şurası, dövlətin şirkətin infrastrukturu və resurslarına nəzarəti ələ keçirə bilməsi üçün "Lukoil"in hava limanındakı yanacaq anbarını almağı təklif edib. Bu əməliyyat üçün son tarix 17 noyabrdır, çünki Moldovanın ABŞ sanksiyalarına riayət etməsi səbəbindən "Lukoil" 21 noyabr tarixindən etibarən fəaliyyətini davam etdirmək qabiliyyətini itirəcək", - deyə nazir yazıb.

Məryəm Quliyeva