Fransa Venesuela prezidenti Nikolas Maduronun tutulması üçün əməliyyatda istifadə edilən ABŞ metodlarını dəstəkləmir.

Xalqcebhesi.az xəbər verir ki, Nazirlər Kabinetinin sözçüsü Mod Brejonun Yelisey Sarayında keçirilən brifinqdə verdiyi məlumata görə, Respublika Prezidenti Emmanuel Makron bu barədə hökumət iclasında bildirib.

"İstifadə edilən metodlar nə dəstəklənir, nə də təsdiqlənir. Bunlar Respublika Prezidentinin sözləridir", - deyə Brejon bildirib.

Onun sözlərinə görə, Makron Fransanın "beynəlxalq hüququ və xalqların azadlığını müdafiə etdiyini" vurğulayıb. Fransa liderinin sözlərinə görə, ABŞ-ın əməliyyatı beynəlxalq hüquqa uyğun deyil.

Eyni zamanda, Brejon əlavə edib ki, Makron Maduronun hakimiyyətdən uzaqlaşdırılmasını "yaxşı xəbər" hesab edir.

Məryəm Quliyeva