Yaxın Şərqdəki münaqişə səbəbindən Hindistan bayrağı altında üzən ən azı 37 gəmi və 1 109 ekipaj üzvü Hörmüz boğazı yaxınlığında ilişib qalıb.

Xalqcebhesi.az xəbər verir ki, bu barədə Hindistan Milli Gəmi Sahibləri Assosiasiyası məlumat verib və hökuməti vəziyyətə müdaxilə etməyə çağırıb.

Assosiasiyanın açıqlamasında deyilir:
“Bildiyimizə görə, regionda ölkənin ehtiyaclarına xidmət edən Hindistan bayrağı altında təxminən 37 gəmi var. Onlardan bəziləri yüklənməni gözləyir, digərləri isə artıq yüklənmiş vəziyyətdədir. Bu gəmilər Hörmüz boğazının hər iki tərəfində yerləşir. Hindistan gəmilərinin göyərtəsində hindistanlı dənizçilər var.”

Gəmi sahibləri əlavə ediblər:
“Biz Hindistan hökumətindən xahiş edirik ki, Hindistan bayrağı altında üzən gəmilərin Hörmüz boğazından təhlükəsiz keçidini təmin etmək üçün kömək etsin.”

Məryəm Quliyeva