Birləşmiş Ştatlar Ukraynadakı münaqişənin tez bir zamanda nizamlanmasına kömək etmək niyyətindədir.

Xalqcebhesi.az xəbər verir ki, bu barədə ABŞ-ın dövlət katibi Marko Rubio Fransada keçirilən "Böyük Yeddilik" (G7) ölkələrinin xarici işlər nazirlərinin iclasında bildirib.

ABŞ diplomatiyasının rəhbəri "X" sosial şəbəkəsindəki hesabında yazıb:

"Bu gün G7 iclasında bir daha təsdiqlədim ki, ABŞ Prezidenti Donald Tramp atəşkəsin təmin olunmasına, Rusiya və Ukrayna arasındakı müharibənin danışıqlar yolu ilə mümkün qədər tez başa çatdırılmasına sadiqdir".

Dövlət katibi məsələ ilə bağlı hər hansı təfərrüat açıqlamayıb.

Məryəm Quliyeva