ABŞ Maliyyə Nazirliyi İrana qarşı sanksiyaların siyahısını genişləndirib.
Nazirliyin verdiyi xəbərə görə, 9 nəfər İran vətəndaşına və Hüquq-Mühafizə Orqanlarının Əməkdaşlıq Fonduna, habelə Tehranda yerləşən iki cəzaçəkmə müəssisəsinə sanksiya tətbiq edilib.
ABŞ Maliyyə Nazirliyi iranlılara qarşı ciddi insan haqları pozuntularında oynadığı rola görə İranın Daxili İşlər naziri Əbdülrza Rəhmani Fəzliyə, İranın hüquq-mühafizə orqanlarının 7 yüksək vəzifəli məmuruna və İran İslam İnqilabı Keşikçiləri Korpusunun (SEPAH) “Qüds” qüvvələrinin əyalət komandirinə qarşı sanksiya tətbiq edib.