Vaqif Əsədov: "Onların bir neçə maşınında eyni dövlət nömrə nişanının olması faktı araşdırılır"

Bu il paytaxt ərazisində avtoxuliqanlıq edən 155 sürücü saxlanılıb. APA-nın xəbərinə görə, bu barədə Bakı Şəhər Baş Polis İdarəsinin Baş Dövlət Yol Polisi İdarəsinin (BDYPİ) ictimaiyyətlə əlaqələr şöbəsinin rəisi Vaqif Əsədov bildirib.
V. Əsədov qeyd edib ki, son günlər sosial şəbəkələrdə avtoxuliqanların paylaşdığı videolarla bağlı BDYPİ-də müvafiq araşdırmalar aparılır: "Həmin videolarda bir dövlət nömrə nişanının bir neçə avtomobildə olması faktı aşkar edilib və o faktla bağlı da araşdırma gedir".