Fransanın Kann şəhərində Azərbaycan günlərinə start verilib. Heydər Əliyev Fondunun təşkilatçılığı ilə başlayan tədbirlər proqramı "Azərbaycan ənənələr və gələcək ölkəsi" (Azerbaijan country of traditions and future) şüarı altında keçiriləcək.
Heydər Əliyev Fondundan APA-ya verilən məlumata görə, artıq Kann şəhəri və ictimai nəqliyyat Azərbaycanın təqdimat banerləri ilə bəzədilib.
İyulun 31-dək davam edəcək Azərbaycan günlərində ölkəmizin tarixi və ənənələrini, eyni zamanda müasir incəsənətini əks etdirən sərgilər, muam sənəti, klassik və caz musiqisi, milli mətbəximizdən nümunələr təqdim olunacaq.