"Aprelin 9-da Azərbaycanda virusa yoluxma sanki pik oldu, sonra azaldı”.
Bunu Ümumdünya Səhiyyə Təşkilatının virtual mətbuat konfransında ÜST-nin Azərbaycandakı nümayəndəsi Hande Harmancı bildirib:
“Görülən işlərlə xəstələrin sayı azalır. Ancaq bu, yenə arta bilər. Ümid edirəm ki, azalma davam edər. Amma karantin yüngülləşdikcə yenə də artacaq. Ölkədə bu virus bitməyib. Əllərini yumaqla bağlı qaydanın il sonuna qədər davam etməsi çox vacibdir. Hazırda fiziki izolyasiya nəticəsində test sayı çoxalsa da, xəstəlik sayı azalıb. Daha çox test edilməklə daha az aşkarlanma bizi ümidləndirir. Amma ictimai səhiyyə sistemlərini daha da gücləndirmək, sağlamlaşdırmaq indi ən vacib işlərimizdən biridir".