Valentina Matviyenko: "Rusiya-Azərbaycan əlaqələrinin güclənməsində əsas faktor regional əməkdaşlıq və sərhəd qonşuluğudur"

Rusiya Federasiya Şurasının sədri Valentina Matviyenkonun rəhbərlik etdiyi Rusiya nümayəndə heyəti Azərbaycana işgüzar səfərə gəlib.
APA-nın İTAR-TASS-a istinadən yaydığı xəbərə görə, V. Matviyenko Azərbaycanla siyasi, sosial-iqtisadi, humanitar və başqa sahələrdə sıx əməkdaşlıq etdiklərini deyib. O, iki ölkə arasında qarşılıqlı ticarət dövriyyəsinin artdığına diqqət çəkərək 2013-cü ildə bu dövriyyənin maksimumu həddə - 3,6 milyard dollara çatdığını söyləyib. Enerji sektoru, nəqliyyat və digər sahələrdə də sıx əməkdaşlığın olduğunu qeyd edən Federasiya Şurasının sədri Rusiya-Azərbaycan əlaqələrinin güclənməsində əsas faktorun regional əməkdaşlıq və sərhəd qonşuluğu olduğunu vurğulayıb.
V. Matviyenko hazırda Bakıda keçirilən 4-cü Beynəlxalq Humanitar Forumda iştirak edir.