“Aprelin 2-dən Naxçıvana uçuşlar dayandırılıb”.
Bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Nəqliyyat, Rabitə və Yüksək Texnologiyalar Nazirliyi yanında Dövlət Mülki Aviasiya Agentliyinin direktoru Arif Məmmədov bildirib.
A. Məmmədov deyib ki, beynəlxalq məlumatlar toplusunda mayın 31-dək Azərbaycana uçuşların qadağan olunduğu əksini tapıb: “Hazırda bu məlumat yenilənib və 1 iyula qədər Azərbaycana beynəlxalq uçuşlar qadağandır. Beynəlxalq aviaşirkətlər də bu məlumat toplusuna baxaraq qərar verir. Yükdaşımalar və operativ yardımlarla əlaqədar isə uçuşlar davam edib. Bu dövr ərzində yükdaşımalarda 20-25 faiz artım olub. Bu dövrdə çarter reylsəri ilə 25 minə yaxın sərnişin daşınıb. Bu gün Nyu-Yorkdan vətəndaşlarımız Azərbayxana gətirilib ”.