Çin sədri Si Cinpin və Amerika Prezidenti Donald Tramp Çin liderinin ABŞ-yə səfəri zamanı 30 milyard dollar dəyərində olan mallara tətbiq edilən gömrük rüsumlarının qarşılıqlı azaldılması tapşırığının icrasının vacibliyini təsdiqləyiblər.

Xalqcebhesi.az xəbər verir ki, bu barədə "Xinhua" agentliyi məlumat yayıb.

Məlumatda deyilir: "İki dövlətin başçıları ticarət və iqtisadiyyat məsələləri üzrə Çin-ABŞ məsləhətləşmələri mexanizminin müsbət rolunu, iki ölkənin ticarət-iqtisadi nümayəndə heyətləri arasında aparılan danışıqların nəticələrini - o cümlədən Ticarət Şurası kimi mexanizmlərin yaradılması və inkişafını, 30 milyard dollar dəyərində olan mallara rüsumların qarşılıqlı azaldılması barədə razılaşmaların əldə olunmasını, Kuala-Lumpurdakı ticarət-iqtisadi məsləhətləşmələrin nəticələrinin müddətinin uzadılmasını etiraf ediblər və onların icrasını təmin etməyi tapşırıblar".

Məryəm Quliyeva