Hindistandan daha 5 nəfər Azərbaycana təxliyə edilib.

Bu barədə yerli bürosuna Azərbaycanın Gürcüstandakı səfirliyindən məlumat verilib.

Qeyd olunub ki, təxliyə edilənlərdən 4-ü Azərbaycan vətəndaşı, 1-i isə Azərbaycanda yaşayış icazəsi olan Hindistan vətəndaşıdır.

Təxliyə edilənlər bu gün saat 14:20-də Dehli-Tbilisi çarter reysi ilə Tbilisi Hava limanına gətiriliblər. Onlar Azərbaycanın Gürcüstandakı səfirliyinin əməkdaşlarının müşayiəti ilə Sınıq Körpü sərhəd keçid məntəqəsinə gətirilərək TƏBİB-ə təhvil veriliblər.

Təxliyə edilənlərin 14 gün karantində saxlanılacağı bildirilib.