Oktyabrın 20-də tanınmış xanəndə, Əməkdar artist Qoçaq Əsgərov və xanəndə Gülnar Fərəcovanın iştirakı ilə Beynəlxalq Muğam Mərkəzində “Şərqdən Qərbə” adlı konsert proqramı təqdim olunacaq. Konsertdə muğam və təsniflərlə yanaşı, fransız musiqisi də səsləndiriləcək. Bu barədə konsertin təşkilatçısı olan xanəndə Qoçaq Əsgərov məlumat verib. Onun sözlərinə görə, konsert Beynəlxalq Muğam Mərkəzi və Mədəniyyət və İncəsənət Universitetinin dəstəyi ilə keçiriləcək. Konsertdə ifaçıları kamançada Elnur Mikayılov, tarda İbrahim Babayev, pianoda Vasif Hüseynzadə, davulda Yusif Əzizov, müşayiət edəcək. Bununla yanaşı, konsertdə fransalı musiqiçilər Julen Achiary, Nicolas Nageotte, Jordi Cassagne, Bastien Fontanille və Julie Lobatoda da iştirak edəcək.