Qərbi Kaspi Universitetində dünya şöhrətli professor, həkim Reinhard Büchselin mühazirəsi olub. Universitetin rektoru professor Andris Leitas qonağı təqdim edərək bildirib ki, ötən illərdə olduğu kimi, bu tədris ilində də Qərbi Kaspi Universitetində dünyanın tanınmış alimlərinin, mütəxəssislərinin mühazirələri, seminarları olacaq. Rektor tələbələrə bu imkanlardan istifadə etməyi, dünya elminin son yeniliklərini izləməyi tövsiyə edib.
"Enerji metabolizmi" mövzusuna həsr olunan mühazirədə Reinhard Büchsel sağlam həyat tərzinin əsas şərtləri, insan sağlamlığında metabolizmin yeri, orqanizmdə gedən kimyəvi reaksiyaların məcmusu və s. barədə elmi və praktiki məlumatları diqqətə çatdırıb, dünya tibb elmində bu sahə ilə bağlı əldə olunmuş ən son yenilikləri şərh edib.
Daha sonra qonaq tələbələri maraqlandıran sualları cavablandırıb, onlarla fikir mübadiləsindən məmnunluğunu dilə gətirib.