Avropa Parlamentinin deputatı, Avropa Birliyi-Ermənistan dostluq qrupunun rəhbəri Eleni Teoxarus işğal altındakı Azərbaycanın torpaqlarına qanunsuz səfər edib.
Ermənistan KİV-nin xəbərinə görə Avropa Parlamentinin deputatı Dağlıq Qarabağdakı qondarma rejimin başçısı Bako Saakyanla görüşüb.
Görüşdə Dağlıq Qarabağ münaqişəsi müzakirə edilib. Bununla yanaşı, separatçı qurumun Avropa ilə əməkdaşlıq perspektivi məsələlərinə toxunulub. Qarabağ separatçılarının lideri Bako Saakyan bildirib ki, Avropa ilə münasibətlərin inkişafında maraqlıdırlar.
Qeyd edək ki, Avropa Parlamentinin deputatları dəfələrlə Azərbaycanın işğalda olan ərazilərinə qanunsuz səfərlər ediblər.