Türkiyə bu silahla Yunanıstanı girov götürdü – Şok Dünya

Türkiyə bu silahla Yunanıstanı girov götürdü – Şok

Türkiyənin Rusiyadan aldığı S-400 zenit raket komplekslərinin ikinci batareyasının qardaş ölkəyə təhvil verilməsi regionda əks-səda doğurub.
Yunan mətbuatı sözügedən hadisəni “Yunanıstan strateji girova çevrildi” başlığı ilə təqdim edib.
Yunanıstanın “ProNyus” xəbər saytı Türkiyə Müdafiə Nazirliyinin S-400-lərin ikinci batareyasını harada yerləşdirəcəyini “Böyük sual” olaraq qiymətləndirib. Nəşr həmçinin S-400 sisteminin qurulacağı yerdən asılı olaraq əhatə edəcəyi əraziləri və dövlətləri də təqdim edib: Egey dənizi, Şərqi Aralıq, Yunanıstan, Bolqarıstan, Kipr adası, Rumıniya, Krım, Rusiyanın bir hissəsi, Gürcüstan, Azərbaycan, Ermənistan, Livan, Suriya, İraq və İran.
S-400 zenit raket komplekslərinin Türkiyə ilə Yunanıstan arasında hərbi balansı necə dəyişdirəcəyi məsələsinə toxunan nəşr yazıb: “Strateji girovluq artıq yalnız bir fərziyyə deyil. Təəssüf ki, baş verən hadisə Yunanıstan üçün son dərəcə ağrılıdır”.
Xəbərdə S-400 sistemlərinin Yunanıstan Hərbi Hava Qüvvələrinin bölgədəki əməliyyat qabiliyyətini olduqca çətinləşdirəcəyi, Türkiyə Hərbi Hava Qüvvələri ilə türk donanmasının əməliyyatlarını isə eyni dərəcədə asanlaşdıracağı qeyd edilib.
“S-400-lərin ikinci batareyasının Kiçik Asiyanın sahillərinə qoyulması Yunanıstan üçün həll edilməsi çox çətin bir tapmacaya çevriləcəkdir”, - nəşr bildirib.