İranın Fars əyalətinin Beyram yaşayış məntəqəsində baş vermiş 5,1 bal gücündə zəlzələdə evlərə ziyan dəyib.
Bunu şəhərin bələdiyyə sədri Əsğər Frudi deyib.
Onun sözlərinə görə, Xəlili və Fədağ Gəraş kəndlərində 90 –dan çox evə ziyan deyib. “Evlərin çoxu 20-60 faiz ziyan görüb. Zəlzələ nəticəsində 2 nəfər də xəsarət alıb.”
Qeyd edək ki, yeraltı təkanlar ötən gecə yerli vaxtla saat 22:35-də qeydə alınıb. Zəlzələnin episentri Fars əyalətində, Beyram yaşayış məntəqəsindən 17 km məsafədə qeydə alınıb. Zəlzələ episentri 16 km dərinlikdə yerləşib.