Fransa parlamentinin üzvü Valeri Buaye "erməni soyqırımı"nı inkar edənlərin cəzalandırılmasını nəzərdə tutan yeni qanun layihəsi təqdim edib. Ermənistan mətbuatı xəbər verir ki, Buaye layihəni parlamentin bütün strukturlarına təqdim edib və artıq 40-dan artıq deputat sənədi müzakirəyə çıxarmaq üçün imzalayıb.
Valeri Buayenin sözlərinə görə, prezident Fransua Olland söz verib ki, əgər Fransa Milli Parlamenti qanun layihəsini qəbul edərsə, o 2015-ci il aprelin 24-də həmin sənədi imzalayacaq.
Fransa prezidentinin seçkiqabağı vədlərindən biri belə bir qanunun qəbul olunması ilə bağlı idi.