“Vətəndaş Cəmiyyətində Debat” İctimai Birliyinin Gəncə Regional Debat Mərkəzinin təşkilatçılığı ilə gənclər üçün Milli Debat Proqramının təqdimatı, həmçinin debat mövzusunda bilik və bacarıqlarının artırılması üçün təlimlərə start verilib.

Trend Azərbaycan Gənclər və İdman Nazirliyinin saytına istinadla xəbər verir ki, Gəncə Dövlət Universiteti, Azərbaycan Dövlət Aqrar Universiteti, Azərbaycan Texnologiya Universiteti və Gəncə Tibb Kollecində keçirilən təqdimatlarda ümumilikdə 300-dən çox gənc debatın prinsipləri və qaydaları ilə tanış olub, sualları cavablandırılıb.