Vikipediya Ukrayna tərəfindən Ukrayna Xarici İşlər Nazirliyi və Ukrayna Nazirlər Kabinetinin tərkibində olan Ukrayna İnstitutunun dəstəyi ilə keçirilmiş "Ukrayna Mədəni Diplomatiya Ayı"nda “Vikipediya”nın Azərbaycan dili bölməsinin inzibatçısı Ayxan Zayıdzadə də iştirak edib.
Bu barədə xalqcəbhəsi.az-a “Vikipediya” üzrə mütəxəssis, diaspor üzrə araşdırmaçı-ekspert Elnur Eltürk məlumat verib.
O, mart ayı ərzində keçirilən və dünya üzrə 64 dil layihəsini əhatə edən bu turnirdə 154 nəfər arasından dördüncü yeri tutub və mükafatlandırılıb.
Qeyd edim ki, Ayxan Zayıdzadə 12 yaşından “Vikipediya”da uğurlu fəaliyyət göstərir. “Qorqud” Vikipediya Metodik Klubunun ekspertidir. Vətən müharibəsində əsaslı və arqumentli faktlarla erməni iddialarına qarşı mübarizə aparıb.