Bakıda, Sabunçu rayonunun Bakıxanov qəsəbəsində özünə iynə vuran həkim şoka düşərək ölüb.

Məsələ ilə bağlı TƏBİB-dən Trend-in sorğusuna cavab olaraq bildirilib ki, 20.09.2023-cü il tarixində saat 16:33-də Bakı Şəhər Təcili və Təxirəsalınmaz Tibbi Yardım Stansiyasına vətəndaş Qəmbər Əlizadənin vəziyyəti ilə bağlı çağırış daxil olub.

"Saat 16:42-də Təcili Tibbi Yardım briqadası ünvanda olub. Həkiməqədər ölüm halı qeydə alınıb. Aidiyyəti üzrə meyit təhvil verilib.
Məlumat üçün bildirək ki, Qəmbər Əlizadə 1 il əvvələ qədər sadəcə 1 il Salyan Rayon Mərkəzi Xəstəxanasının Təcili Tibbi Yardım şöbəsində çalışıb", - deyə əlavə edilib.