Rusiya vətəndaşı Artur Petrov ABŞ vətəndaşı Kseniya Karelina ilə dəyişdirilib.

APA-nın Moskva müxbiri xəbər verir ki, bu barədə Rusiya Federal Təhlükəsizlik Xidməti (FSB) məlumat yayıb.

Bildirilib ki, Petrov vətəninə qayıdıb.

FSB-dən o da bildirilib ki, Karelina Rusiya Federasiyasının Prezidenti Vladimir Putin tərəfindən əfv edilib.

Qeyd edək ki, bu gün Birləşmiş Ərəb Əmirliklərində Rusiya ilə ABŞ arasında məhbus mübadiləsi həyata keçirilib.