Bu gün 11:00 radələrindən etibarən müxtəlif qastrointestinal şikayətlərlə 8-i uşaq olmaqla, ümumilikdə 15 nəfər (9-u qadın, 6-sı kişi cinsli) Astara Rayon Mərkəzi Xəstəxanasının Yoluxucu xəstəliklər şöbəsinə hospitalizasiya olunub.

Bu barədə APA-nın sorğusuna cavab olaraq TƏBİB-dən bildirilib.

Qeyd olunub ki, onlara zəruri tibbi xidmət göstərilib: "Müalicələri Yoluxucu xəstəliklər şöbəsində davam etdirilən pasiyentlərdən 13-nün vəziyyəti qənaətbəxş, 2-nin vəziyyəti isə nisbi ağır qiymətləndirilir".

Gülcahan Məmmədova

***

17.55

Astarada kütləvi zəhərlənmə olub.

APA-nın cənub bürosunun verdiyi xəbərə görə, Astara rayonunda 15-ə yaxın sakin zəhərlənmə diaqnozu ilə rayon xəstəxanasına daxil olub.

Onlardan 10 nəfər yoluxucu xəstəliklər şöbəsinə yerləşdirilib.

İlkin məlumata görə, zəhərlənmə rayonun Motlayataq kəndində olub. Zəhərlənənlər bir ailənin üzvləridir. Onlar qarpız alıb yediklərini, sonra özlərini pis hiss etdiklərini bildiriblər.

Fakt araşdırılır.