Azərbaycanlı Tələbələr və Məzunların Beynəlxalq Forumunun (ASAİF) təşkilatçılığı ilə fevarlın 22-fə Londonda ölkə parlamentinin qarşısında "Xocalıya Ədalət" beynəlxalq təbliğat və məlumatlandırma kampaniyası çərçivəsində aksiyası keçiriləcək.
Dialoq və Əməkdaşlıq uğrunda İslam Konfransı Gənclər Forumunun Mədəniyyətlərarası Dialoq üzrə Baş Koordinatoru Leyla Əliyeva tərəfindən irəli sürülmüş "Xocalıya Ədalət" beynəlxalq təbliğat və məlumatlandırma kampaniyası çərçivəsində dünyanın bir sıra ölkələrində aksiyalar təşkil olunur. Xocalı soyqırımı haqqında həqiqətlərin dünya dövlətlərinə və beynəlxalq ictimaiyyətə çatdırılması üçün davamlı təbliğat işləri aparılır.