2025-ci ildə Azərbaycan bankları səhmdarlarına təxminən 480 milyon manat dividend ödəyib.Bank sektorunun aktivlərinin gəlirliliyi 2,1 faiz, kapitalın gəlirliyi 18.2 faiz təşkil edib.

Bu barədə Mərkəzi Bankın direktoru Vüsal Qurbanov 2025-ci il üzrə "Maliyyə sabitliyi hesabatı"nın təqdimatına dair mətbuat konfransında deyib.

O bildirib ki, sektor hesabat dövründə sahibkarlara 480 milyon manata yaxın dividend ödəyib. Bu, 2024-cü illə müqayisədə təxminən 20 % azdır.