Bu ilin yanvar-iyul aylarında Dövlət Sosial Müdafiə Fondunun fəaliyyət istiqamətləri üzrə elektron arayış alanların sayı 22636 nəfər olub.

Fondun İctimaiyyətlə Əlaqələr Departamentindən APA-ya verilən məlumata görə, bu arayışların 8554-ü pensiya, 5241-i müavinət və təqaüd, 5043-ü fərdi şəxsi hesab, 1116-sı ünvanlı dövlət sosial yardımı, 887-si torpaq pay mülkiyyətçisi, 953-ü sosial sığorta şəhadətnaməsinin nömrəsi, 313-ü şəhid ailəsi üzvü, 248-i ünvanlı dövlət sosial yardımı ödənişləri, 137-si sağlamlıq imkanları məhdud uşaqlara qulluq, 128-i əlilliyi olan şəxslərə qulluq, 16-sı Milli Qəhrəmanın ailə üzvü ilə bağlı olub.