"Yeni hazırlanan protokllara görə uşaqlara, hamilə və süd verən analara peyvənd vurulmur".

APA-nın məlumatına görə, bunu Səhiyyə Nazirliyinin “İnstagram” səhifəsindəki canlı yayımda Azərbaycan Tibb Universitetinin Urologiya kafedrasının dekanl Araz İbrahimov bildirib.

Onun sözlərinə görə, xroniki xəstəliklərin kəskin dövründə də vaksin vurdurmaq məsləhət görülmür: “Məsələn, böyrək daşı sidik kanalına düşübsə, peyvəndin cavab reaksiyası yaxşı olmaz. Bu dövr 2 həftə, 10 gün çəkir, daha sonra vurula bilər. Bundan əlavə, bəzi qan xəstəliyi olan, hemotoloji xəstəliyi olanlara da peyvənd vurulmur. Peyvəndə qarşı kəskin allergik reaksiyası olanlara da məsləhət görülmür. Uroloji xəstələrə isə peyvənd vurulması məsləhətdir. Amma böyrək köçürülməsi olan xəstəyə 6 ay ərzində peyvənd vurula bilməz".