“Dostlar, təşkilatımız hər ay olduğu kimi sentyabr ayında da el-obaya ləyaqətlə xidmət göstərib. Bu ay ərzində 62 atasız ailəyə 50 kq-lıq kisələrdə un paylayıb”. Xalqcəbhəsi.az xəbər verir ki, bunu təşkilatın rəhbəri Elman Eldaroğlu öz facebook hesabında yazıb: “Atası vəfat etmiş 33 uşağı yeni ayaqqabı ilə sevindirib. Acınacaqlı vəziyyətdə yaşayan 15 çoxuşaqlı ailənin hər birinə 50 manatlıq ərzaq yardımı edib. Döyüşlərdə yaralanmış iki qazi ailəsinə 50 kq-lıq kisələrdə un verib.
Və bir neçə mədəni-kütləvi tədbir keçirib.
Bəli, biz birlikdə güclüyük!
Devizimiz isə Bəxtiyar Vahabzadədəndir:
“Əgər adamsansa, sev adamları,
Demə, bu dostumdur, o düşmənimdir.
Demə, əzizimdir ev adamları,
De, mən bu xalqınam, xalq da mənimdir…”.