Bakı Ağır Cinayətlər Məhkəməsində insan alverində təqsirləndirilən Samirə İbrahimovanın cinayət işi üzrə məhkəmə prosesi başa çatıb.

Hakim İradə Həsənzadənin sədrliyi ilə keçirilən prosesdə hökm oxunub.

Hökmə əsasən S. İbrahimova 8 il müddətinə azadlıqdan məhrum edilib.

Qeyd edək ki, Gəncə şəhər sakini S.İbrahimova Cinayət Məcəlləsinin 144-1.1-ci (İnsan alveri, yəni zor tətbiq etmək hədəsi ilə və ya zor tətbiq etməklə, hədə-qorxu və ya digər məcburetmə vasitələri, əldə edilməsi, saxlanılması, gizlədilməsi maddəsi ilə ittiham irəli sürülüb.

Daxili İşlər Nazirliyi tərəfindən insan alveri maddəsi ilə 2017-ci ildə beynəlxalq axtarışda olan S.İbrahimova Türkiyədə saxlanılaraq Azərbaycana təhvil verilib. Onun Azərbaycandan qadınları iş adı ilə Türkiyə və digər ölkərə apardığı, orada onları istismar edən insan alverinin qurbanına çevirdiyi bildirilir.