Son zamanlar kriptovalyuta mayninqi (mədənçilik) Azərbaycanda da populyar biznes sahəsinə çevrilib. Bununla məşğul olan şəxslərin sayı gündən-günə artmaqdadır.

Bəs kriptovalyuta əməliyyatlarının aparılmasından gəlir əldə edən fiziki şəxslər belə əməliyyatlar üzrə vergi öhdəliklərini necə yerinə yetirməlidir?

Trend-in məlumatına görə, Dövlət Vergi Xidməti məsələyə aydınlıq gətirib.

Qeyd olunub ki, kriptovalyuta üzrə əməliyyatlardan gəlir əldə edən fiziki şəxslər vergi orqanlarında uçota alınmaqla VÖEN əldə etməli, əldə edilən gəlirdən Vergi Məcəlləsinin 101.2-ci maddəsinə uyğun olaraq 14 faiz dərəcə ilə gəlir vergisi hesablanmalı və növbəti ilin mart ayının 31-dən gec olmayaraq "Gəlir vergisinin bəyannaməsi"ni vergi orqanına təqdim etməklə dövlət büdcəsinə ödəməlidir.