Muğam ustası Alim Qasımov və onun övladı Fərqanə Qasımova Meksikanın müxtəlif şəhərlərində konsert proqramları ilə çıxış edirlər. Azərbaycanın Meksikadakı səfirliyindən APA-ya verilən məlumata görə, Quanaxuato şəhərində ölkə üzrə hər il keçirilən məşhur Beynəlxalq Servantino Festivalında və Mexiko şəhərinin "Şəhər Teatrı"nda çıxışlar edən Alim Qasımov və Fərqanə Qasımovanın Merida şəhərinin Peon Kontreras de Merida Teatrında ("Teatro Peon Contreras de Merida",) və Quadalaxara şəhərinin Deqoyado de Teatrında ("Teatro Degollado de Guadalajara") daha iki konsert proqramı ilə çıxışları nəzərdə tutulur.