İsrail Hərbi Hava Qüvvələri İrana qarşı yeni böyük hücum dalğasını tamamladı və eyni vaxtda Tehran, Şiraz və Əhvazdakı hədəflərə zərbələr endirib.

Xalqcebhesi.az xəbər verir ki, bu barədə İsrail ordusunun mətbuat xidməti məlumat yayıb.

Onun açıqlamasına görə, zərbələrin hədəflərindən biri Şirazdakı yeraltı obyekt olub və İsrail tərəfinin sözlərinə görə, burada raketlər istehsal olunub və saxlanılıb. Ordu bildirib ki, Tehranda, digər şeylərlə yanaşı, hava hücumundan müdafiə bazası və bir sıra digər hərbi obyektlər, Əhvazda isə müxtəlif hərbi qərargahlar hədəfə alınıb.