Meta (Facebook, Instagram) süni intellekt (AI) bölməsində təxminən 600 mövqeni ləğv etmək qərarına gəlib. ABŞ mediasına görə, şirkətin bu addımı "təşkilati şişkinliyi azaltmaq" məqsədi daşıyır.

Xalqcebhesi.az xəbər verir ki, New York Times-ın məlumatına görə, bu qərar Meta-nın bu yaxınlarda süni intellekt imkanlarını artırmaq üçün intensiv işə götürmə səylərindən sonra qəbul edilib. The Wall Street Journal xəbər verir ki, işdən çıxarılan işçilərin əksəriyyətinə şirkət daxilindəki digər departamentlərə keçmək imkanı təklif olunacaq.

Süni intellekt departamentinin baş direktoru Alexandr Wang tərəfindən işçilərə göndərilən daxili memorandumda bu qərarın “qərar vermə proseslərində daha az müzakirə tələb edəcəyi” və komandanın daha çevik işləməsinə imkan verəcəyi bildirilib.

Meta AFP-nin şərh sorğusuna cavab verməyib.

Məryəm Quliyeva