“Avqust ayında Vaşinqtonda imzalanan üçtərəfli bəyannamədən sonra Azərbaycan-Ermənistan arasında sülh danışıqlarına dair irəliləyişlər özünü göstərməkdədir”.

Bunu xalqcebhesi.az-a açıqlamasında Diaspor Fəaliyyətinə Jurnalistlərin Dəstəyi İctimai Birliyinin sədri Fuad Hüseynzadə deyib.

F.Hüseynzadə bildirib ki, artıq bu razılaşmadan sonra sülh prosesinə töhfə verəcək addımlar atılmaqdadır: “Sülh danışıqlarının yeni mərhələyə qədəm qoyması yalnız hökumətlərarası səviyyədə deyil, eyni zamanda, vətəndaş cəmiyyəti müstəvisində də öz əksini tapmağa başlayıb. Bu istiqamətdə atılan addımlar regionda etimadın möhkəmlənməsi və sülh gündəminin ictimai səviyyədə dəstəklənməsi baxımından mühüm əhəmiyyət daşıyır”.

Röya İsrafilova