Türkiyə və Rusiya təbii qaz ödənişlərində rublla bərabər türk lirəsini də müzakirə edir.

APA-nın İstanbul müxbiri xəbər verir ki, bu barədə Türkiyə energetika və təbii Sərvətlər naziri Fatih Dönmez deyib.
O əlavə edib ki, 2023-cü ilin martında Qara dəniz qazının quruda ilk istifadəsi gözlənilir. Bundan əlavə, nazir Akkuyu AES-in tikintisində gecikmənin yolverilməz olduğunu da vurğulayıb.