Azərbaycanda sahibkarlara verilmiş güzəştli kreditin həcmi açıqlanıb İqtisadiyyat

Azərbaycanda sahibkarlara verilmiş güzəştli kreditin həcmi açıqlanıb

Özəl sektora dövlət dəstəyi çərçivəsində Sahibkarlığın İnkişafı Fondu tərəfindən bu ilin əvvəlindən 1 963 sahibkara 90,2 milyon manat, o cümlədən, 1 953 kiçik və ortahəcmli layihəyə 62,8 milyon manat güzəştli kredit verilib.

Trend-in məlumatına görə, bunu iqtisadiyyat naziri Mikayıl Cabbarov öz "Twitter" səhifəsində yazıb.

"Bu kreditlər hesabına 2.100-ə yaxın yeni iş yerinin açılması imkanı yaranıb. Güzəştli kreditlərin 68,8 faizi aqrar sektorun, 31,2 faizi sənaye məhsullarının istehsalı və emalı və s. sahələrə yönəldilib. Bu kreditlərin 83,3 faizi regionların, 16,7 faizi isə Bakı qəsəbələrinin payına düşür", - nazir yazıb.