Cənub Qaz Dəhlizi Məşvərət Şurasında səslənən planlar enerji təhlükəsizliyinin təmini ilə bağlı ümidləri artırır.

Trend-in məlumatına görə, bu barədə Böyük Britaniyanın ölkəmizdəki səfiri Fergus Auld tvitter hesabında qeyd edib.

"Cənub Qaz Dəhlizi Məşvərət Şurasında səslənən planlar enerji təhlükəsizliyinin təmini ilə bağlı ümidləri artırır. Biz Azərbaycan ilə enerji sahəsindəki əlaqələrimizin daha da genişlənəcəyinə ümid edirik", - deyə bildirilib.

Qeyd edək ki, bu gün Bakıda, Cənub Qaz Dəhlizi Məşvərət Şurası çərçivəsində nazirlərin 9-cu və Yaşıl Enerji Məşvərət Şurası çərçivəsində nazirlərin 1-ci iclasları keçirilir.