BP 2016-cı ilin II yarısında Azərbaycanda neft hasilatının ötən ilin analoji dövrünün göstəricisindən aşağı səviyyədə olacağını gözləmir. Bunu jurnalistlərə BP-nin Azərbaycan, Gürcüstan və Türkiyədə xarici əlaqələr və strateji münasibətlər üzrə vitse-prezidenti Bəxtiyar Aslanbəyli deyib. 2015-ci ilin II yarısında BP-nin Azərbaycanda hasilatı sutkada 641 min barel təşkil edib. Onun sözlərinə görə, II yarımillikdə "Azəri-Çıraq-Günəşli" blokundakı hasilat platformalarında profilaktik işlərlə əlaqədar iki fasilənin olması planlaşdırılır, buna görə də istehsal səviyyəsini qorumaq çətin olacaq. B.Aslanbəyli qeyd edib ki, şirkətin hasilatı I yarımillikdə sutkada təqribən 655 min barel səviyyəsində olub.