Azərbaycan Dövlət Neft Şirkəti (SOCAR) bu il bir sıra yerli və beynəlxalq banklara ümumilikdə 3 milyard 976 milyon manat məbləğində kredit borcu qaytarıb.

"APA-Economics" bu barədə şirkətə istinadən xəbər verir. Məlumata görə, bu məbləğin 80 milyon manatını istiqraz ödənişləri təşkil edib.

SOCAR həmçinin, bu il maliyyə təşkilatlarından 2 milyard 529 milyon manat məbləğində yeni uzunmüddətli və qısamüddətli kreditlər əldə edib.