Beynəlxalq Mülki Aviasiya Təşkilatının (ICAO) yeni proqnozuna əsasən, bu ilin sentyabr ayınadək dünya üzrə hava nəqliyyatında sərnişin axını 1,2 mlrd. insan azalacaq.
"APA-Economics"in ICAO-ya istinadən verdiyi məlumata görə, bunun nəticəsi kimi, 2020-ci ilin yanvar-sentyabr ayları ərzində gəlirlərin azalması 160-253 mlrd. ABŞ dolları arasında dəyişəcək.
ICAO-nun proqnozuna görə, ən çox itkilərlə Avropada və Asiya-Sakit okean regionunda, eləcə də Şimali Amerikada yerləşən şirkətlər üzləşəcək.