Noyabrın 30-da Bakı Fond Birjasında (BFB) "AzerGold" QSC-nin ümumi dəyəri 20 mln. ABŞ dolları olan istiqrazlarının ikinci tranşının yerləşdirilməsi keçiriləcək.

BFB-dən "APA-Economics"ə verilən məlumata görə, hərraca 10 mln. ABŞ dolları həcmində istiqraz çıxarılacaq. Emissiya prospektinə əsasən, yerləşdirmə rəqabətli hərrac üsulu ilə BFB vasitəsi ilə keçiriləcək. İstiqrazlar nominal dəyəri 100 dollar, illik faiz dərəcəsi isə 4% təşkil edir. İstiqrazların tədavül müddətinin 3 il olması istiqraz sahiblərinə faiz dərəcələrinin isə 3 aydan bir ödənilməsi planlaşdırılır. Yerləşdirmə üzrə anderrayter qismində "Paşa Kapital" investisiya şirkəti çıxış edir.

Qeyd edək ki, ikinci tranşın yerləşdirilməsi üzrə investorlardan tutulan komissiya haqqını (0,02%) "AzerGold" öz üzərinə götürəcək.