Cari ilin birinci rübündə Azərbaycan təxminən 7,3 mln. ton neft (kondensatla birlikdə) ixrac edib.

Energetika Nazirliyindən “APA-Economics”ə verilən məlumata görə, bunun 6,9 mln. tonu konsorsium (“Azəri-Çıraq-Günəşli” və “Şahdəniz” yataqlarının işlənilməsi üzrə), 370 min tonu isə SOCAR-ın payına düşür.

Neftin (kondensatla birlikdə) ixraca nəqli 2020-ci ilin müvafiq dövrünə nisbətən, təxminən 320 min ton, yəni 4% azdır.