Rusiya ümid edir ki, Qarabağ ətrafında mövcud vəziyyət Ermənistan və Azərbaycan arasında sülh müqaviləsi ilə başa çatacaq.

APA-nın Moskva müxbirinin məlumatına görə, bunu Rusiya Federasiya Şurasının sədri Valentina Matviyenko MDB Parlamentlərarası Assambleyası Şurasının Almatıda keçirilən iclasında bildirib.
“Biz çox ümid edirik ki, bu vəziyyət sülh müqaviləsi ilə başa çatacaq, bunu ürəkdən arzu edirik”, - deyə Matviyenko Azərbaycan parlamentinin spikeri Sahibə Qafarova və Ermənistan parlamentinin spikeri Alen Simonyanın mümkün sülh müqaviləsi ilə bağlı bəyanatlarını şərh edərkən bildirib.