Türkiyə və Ermənistan arasında münasibətlərin normallaşması ilə bağlı xüsusi nümayəndələrin növbəti görüşü iyulun 1-də Avstriyanın paytaxtı Vyanada keçiriləcək.

Bu barədə Türkiyə Xarici İşlər Nazirliyinin açıqlamasında deyilir.

Qeyd edək ki, xüsusi nümayəndələr Serdar Kılıç və Ruben Rubinyan arasında bu günədək üç görüş baş tutub.

Tərəflər arasında son görüş mayın 3-də Vyanada keçirilmişdi. Həmin görüşün yekunu ilə bağlı verilən bəyanatda xüsusi nümayəndələr normallaşma prosesini ilkin şərt olmadan davam etdirməyə razılıqlarını təsdiq etmişdilər.