“İsraildə səfirliyimizin açılması tarixi hadisədir. İsrail yerləşdiyi regionun nüfuzlu dövləti və Azərbaycanla strateji münasibətlərə malik dost ölkədir”. Xalqcəbhəsi.az xəbər verir ki, bunu millət vəkili Elnur Allahverdiyev deyib. O, bildirib ki, İsraillə siyasi, diplomatik və hərbi sahədə olduqca pozitiv münasibətlərimiz mövcuddur: “İsrail hər zaman Azərbaycanın ərazi bütövlüyünü bütün müstəvilərdə müdafiə edib.
Ölkəmizdə fəal və vətənpərvər yəhudi icması fəaliyyət göstərir. İcmanın hərtərəfli fəaliyyəti üçün münbit şərait yaradılıb.
Ölkələrimiz arasında diplomatik münasibətlərin yaranmasından 30 il ötür. Səfirliyimizin fəaliyyətə başlaması bu illər ərzində formalaşmış möhkəm dostluq münasibətlərimizə yeni təkan verəcək”.